بعد غزو الاحباش لليمن بعد حادثة ذى نواس واصحاب الاخدود المعروفة
حاول الاحباش السيطرة على طريق التجارة الداخلى كجزء من التحالف مع الدولة البيزنطية فى صراعها مع الفرس
ولكن حملة ابرهة تعرضت للطاعون الذى حملتة الطيور من الشام الى الحجاز
واضطربت حملة ابرهة مما جعلة ينسحب ويعود الى اليمن حيث مات بالطاعون
وقد استغل القرشيين ذلك ونشروا الدعاية فى انحاء الجزيرة العربية بان رب الكعبة قد انقذها وارسل طيرا بحجارة لتهزم جيوش الحبشة
وتزعم تلك الدعوة عبد المطلب بن هاشم حيث نجحت تلك الدعاية فى تاكيد مكانة قريش
ومنزلتها بين العرب فكانت افضل وسيلة تؤكد للجميع صحة الهة قريش ومكانة الكعبة عند تلك الالهة
حيث كانت تضم الكعبة وقتها 360 صنم على راسهم هبل كبير الهة قريش ورب عبد المطلب المفضل
ومن الجدير بالذكر ان ابرهة كان قد اقام كنيسة فى اليمن اسمها القليس لكى يحج اليها نصارى العرب ولكى تكون مركز لنشر المسيحي
ومما يضحد فكرة ان ابرهة اراد هدم الكعبة وتوجية العرب للقليس ان كنيسة ابرهة كانت للنصارى ولم يكن لها خطر على مكانة مكة وسط العرب
وعندما جاء الاسلام اكد رواية قريش رغم خطاها
وهذا بالطبع لان محمد قرر ان يجعل من نفسة امتداد لابراهيم وان يثبت فكرة ان الكعبة بيت اللة حقا وان كان قد وحد الالهة فى الة واحد متاثرا فى ذلك باليهودية
ولكن هذا قد صنع ثغرة كبيرة فى الاسلام
فكيف يرسل اللة طيرا بحجارة من جهنم
اى ان اللة تدخل تدخلا مباشرا بنفسة لحماية الكعبة التى كانت فى تلك الفترة مركزا للوثنية
فى جزيرة العرب مما اكد لقريش وقتها صحة عباداتها وصدق الهتها
فقد مات عبد المطلب وهو يظن ان هبل هو رب الكعبة حقا
واذا امنا ان اللة من ارسل الطيور لانقاذ بيتة من جيش ابرهة
فلماذا لم يفعل شيئا امام جيوش يزيد بن معاوية وهى تضرب الكعبة بالمنجنيق؟
بل وقبل ذلك لماذا سمح بتحويل الكعبة من الاساس الى مقرا للاصنام طالما انة مستعد للتدخل الشخصى؟
لماذ ترك عمرو بن لحى الخزاعى يضع بها اول صنم ويبدل دين ابراهيم؟
لماذا لم يرسل طيورة وقتها؟
الم يكن هذا اخطر من جيش ابرهة ذاتة
ولماذا ايضا لم يفعل شيئا عندما ضربت السيول الكعبة وهدمت جدرانها مما اضطر بقريش ان تزيل معظمها وتعيد بنائها
اين كان رب البيت المزعوم وقتها؟
كيق نصدق بعد ذلك ان هناك الها ارسل طيرا بحجارة لانقاذ ذلك الصنم المكعب
Subscribe to:
Post Comments (Atom)
14 comments:
للأسف انا اول تعليق بالرغم من اني اشك في انك ليك ديانة اصلا الا اني احب اقلك ان كلامك ده كله تخاريف مش زي ما انت متخيل انه مراجع تاريخية وكشف للتاريخ الاسلامي السيء حادثة الفيل معروفة ومعروفة كمان من القرآن الكريم اللي احنا ما بنشكك فيه ابدا اما بقى بخصوص سيدنا محمد فهو رسول زي عيسى وموسى وابراهيم اشرف من انك تتكلم عليهم للأسف اسلوبك سيء جدا في الحوار وفي نشر الفكر انت انسان مريض ومرضك مع الدين وده واضح من كلامك ومن اسلوبك الجاهل
اذا كنت بتتكلم عن جهل فأحسن ليك انك تتعلم الاول اللي انت بتتكلم فيه و بتتكلم عليه احسن ما تخرف كده بكلام للأسف سيء جدا مش لأنه ضد الدين انما لأنه تكفير بالدين وكأنك بتسخر من الله ومن رسله ومن الاسلام
صباح الخير يا عم هيومان
حلو الموضوع ده وفعلا بيطرح أسئله مشروعه جدا، وللأسف مش حتلاقي أي أجابات عقلانيه غالبا سوى إجابات زي الأخ الأولاني
بس وحياتك يا هيومان أبقى طول وعمق الماده شويه، يعني لو ممكن تبقى أقرب للدراسة المختصرة منها للمقال، وأنا أعتقد تماما أنك قادر على ذلك
تحياتي ولى عودة غالبا
عزيزى انا حر
رغم اسلوبك غير المهذب فى الحوار الا انى سارد عليك
اولا انا كنت مسلم متدين سابقا ثم عندما تكشفت لى حقيقة الدين قررت ان اواجة نفسى بها مما جعلنى اقتنع بالالحاد
وبالتالى انا بلا دين فعلا لان الاديان كلها من صنع البشر
اما ادعاءك بانى اخرف فهو مجرد عاطفة دينية منك اتفهمها لانى كنت مثلك فى وقتا ما
ثانيا انت لم تفند اى شيئا مما كتبتة انا
وكل ما فعلتة هو الهجوم فقط
اما فكرة ان حادثة الفيل صحيحة لانها مذكورة فى القران فدليل على انك لم تفهم شيئا
فالقران كتاب بشرى وليس الهى ولا يوجد اى كتاب الهى على الارض
انت بتقول ان القران غير مشكوك فية وهذا كلام خاطى لان كل دين مشكوك فية من الاديان الاخرى
اما عن جهلى انا فاتفهم للمرة الاخرى عاطفتك الدينية
وادعوك للمناظرة معى لمعرفة من الجاهل
ويبدو انك لا تعرف حجم معرفتى
عزيزى اسكندرانى
سعيد بمتابعتك وتعليقك المتميز
وفكرتك رائعة بالفعل
ولكنى اخشى ان يؤثر ذلك سلبا على المدونة
فعندما تكون البوستات طويلة وعميقة يمل الناس القراءة ويكتفون بالنظر
ولكن عموما سوف اضيف المصادر وبعض المراجع والمواقع مستقبلا
وان كنت لا اعتقد ان ذلك سيجدى مع اشخاص كصاحب التعليق الاول
مقالاتك جريئة, و أنا من الداعمين لحرية التعبير بأي شكل من الأشكال. فالاختلاف يولد الإبداع و التطور
أتمنى أن تكون لديك مصادر, لأن التحقيق في هذه الأمور يتطلب ذلك. فعلى سبيل المثال, هل لديك مصدر موثوق بأن جيش ابرهة مات بالطاعون و ليس بالطير الأبابيل؟
http://waragsham.wordpress.c_o_m
شكرا جدا لأنك وضحت ان كلامي صح بخصوص جهلك وحكاية العاطفة الدينية عندي دي مش موجوده دي قناعة بديني وكفاية قوي انك بتقول ان الدين من صنع البشر وان المصحف كتاب بشري مش الهي علشان اتأكد واعرف انا باتكلم مع مين
على فكرة انامجرحتش على قد ماانت جرحت في كلامك في الدين وانا مش محتاج اعمل مناظرة معاك علشان اعرف انت فاهم لحد فين كفاية قوي الاخطاء العديده الي كانت بتتصلح ليك في البوستات اللي فاتت وكفاية كمان قوي انك مبتكتبش مراجع لأنها اكيد مراجع مشبوهه
اما بقى الاخ الاسكندراني اعذرني ياباشا انا راجل مش عقلاني لو العقل معناه الالحاد انا مش عقلاني
بس في النهاية يا ريت تجاوبوا على السؤال انتم مين خلقكوا؟؟ وايه سبب وجودكم؟؟ وبتموتوا ليه؟؟ ومين يقدر يعمل انسان حقيقي زيينا؟؟؟ مين يقدر يبني كون وفضاء؟؟؟ مين يقدر يبني سما او ارض؟؟؟
هنتكلم شوية بقى
ممكن؟
طبعا ممكن ( نحن فى الهواء الطلق) ا
سؤال: مين علمك الدين الاسلامى؟
بتقرا لمين يعنى؟
وصلت لحد فين فى الفقه والسيرة وتفسير القرءان؟
طيب ماتردش
تعرف حاجة فى الدين الاسلامى الجليل اسمها الفتن؟
طيب
تعرف اصلا الفرق بين التاريخ والتأريخ؟
طيب
لما .. لما كنت ملتزم زى مابتقول
عمرك خشعت فى الصلاة؟
حسيت الاحساس ده؟
طيب
جيوش يزيد بن معاويةدى فتنة, الرسول محمد صلى الله عليه وسلم اللى انت شككت فى نبوته قال ان عهد الفتن هيبدأ بعد موت سيدنا عمر بن الخطاب وقد كان
تعرفها دى؟
وبعدين ايه يمنع ان الله سبحانه وتعالى يتدخل تدخل مباشر فى حماية الكعبة؟
البلوج ده بتاعك وانت أكيد هتحميه , ايه الغريب فى ده , طبعا مع فرق المقام والتشبيه؟
الله أعلى وأعظم
ابرهة لما بنى كنيسته , انت مش شايف ان الكعبة بتمثل خطر يدفعه لهدمها؟
بالضبط زى ماامريكا عايزة تمحى العرب , تفتكر هما مأثرين عليها سلبا ازاى؟
طيب
سيدنا محمد صلى الله عليه وسلم اللى انت بتشكك فى نبوته
هو دليل نبوته أخلاقه الحسنة اللى زى مابتقول وارثها عن جده - الكافر- بتوصيفك يعنى؟
ده دليل على انك ماقريتش فى الدين اصلا
هو ايه المانع ان عبد المطلب يكون اخلاقه كويسة ويربى تربية صحيحة مع وثنيته؟
هو انت مع الحادك هتكون اب سىء؟
دى النتيجة المفروضة يعنى؟
انت دلوقتى ماتفرقش عنه كتير
انت اللى قلت انك ملحد
طيب
مين قالك ان بوذا أخلاقه أعلى من سيدنا محمد والرسل صلى الله عليهم وسلم؟
كتب التاريخ؟
ومصدقها ليه الكتب ؟ ماهى كمان من وضع الانسان؟
أنا معاك ان الاديان اتحرفت وبقت موضوعة أكتر منها صحيحة باستثناء الاسلام طبعا
والدليل مش الكتب اللى من وضع الناس
الدليل ان أى تجربة اصلاح فى اى مجال لما يقولوا انهم اخترعوها وتيجى تدور تلاقيها فى الاسلام ليها جذور
طيب
انت عمرك قلت لوالدتك شكرا؟
عمرك فكرت انت جيت الدنيا ازاى؟
مش من مرة اجتمع والدك ووالدتك فى علاقة حميمة والسلام
شغل مخك كده
هتلاقى العملية وراها جبار عظيم متحكم فى كل شىء
فى بشر يقدر يهب الحياة لحد؟
فيه غير بشر؟
عمرك شفت حد بيموت؟
تفتكر الموت ده بيتم ازاى هو كمان؟
لما اتكلمت عن بئر زمزم قلت ان التاريخ الاسلامى بيقول
مش الدين ولا الاسلام نفسه اللى بيقول
والتاريخ وكتب السيرة دول ناس زيى وزيك كده اللى كتبوها
مصدقهم ليه؟
مصدق انك صح دلوقتى ليه؟
عمرك حسيت بحب الاخت وخوفها على اخوها؟
اعتبرنى اختك واسمع منى بقى والله ماهتخسر
جرب
شوف ناس وعلماء فى الدين كويسين واقعد معاهم واتحاور بكل جرأة وشجاعة لحد ما حد فيكم يقنع التانى
يااما تقتنع انك صح وساعتها افضل زى ماانت
يااما تعرف الطريق الصح وتتبعه وماتنساش تدعيلى ساعتها
انا معاك ان العلماء دول بشر هما كمان
بس هما مش هيكلموك من الكتب ولا من وجهات نظرهم
هما هيقولولك اللى هما مقتنعين بيه من مصادره اللى هتتأكد انت الاول انها صحيحة وانت كمان هتكلمه من منطلق انت معتقده صحيح
وعلى احدكم اقناع الآخر
أرجو انك تاخد كلامى جد
خليك شجاع
اثبت ياسيدى ع الاقل لنفسك انك صح أو غلط بردو لنفسك
اللهم اهديك للطريق القويم
اللهم ارفع عنا سخطك ومقتك
اللهم ارزقنا اليقين بك
اللهم اجعلنا مسلمين لك
اللهم اهدنا واهدى اخواننا واخواتنا
اللهم لا تحرمنا رحمتك يااله العالمين
اللهم اهديك
ياااااااااارب
نسيت اقولك لما تختار العلماء اللى هتتحاور معاهم ان شاء الله بلاش يبقى جارك وابو صاحبك
اختار ناس مشهود لهم بالعلم والايمان وياريت بعيد عن التوجهات السياسية المتخفية تحت اسم الدين
على فكرة ده بيحصل فى كل الاديان مش فى الاسلام بس
ربنا يهدينى ويهديك
هيومان
أقفل يا عم المدونه دي خالص
باين كل ألى بيدخلوها مباحث ولا نيابه والله أعلم
هما نازلين أسئله ليه كده على ودنه؟
يا نهار اسود
بقى قرون من علماء الكلام الأشاعره والعباقره المعتزلهن وابن رشد وأبن سينا وأخوان الصفا توصلنا للتجريف الفكري والعقلي ده؟
يا نهار أسود
ولا حد رد أصلا ولا ناقش
بس اسئله ماسخه زي أسئلة بتوع المباحث
هما المسلمين أنهاروا فكريا للدرجه دي؟
dear warag
شكرا على تشجيعك واتمنى ان نبقى على تواصل
اما بخصوص المراجع فانا مستعد لنشر مصادرى وهى معروفة
انا حر تانى
كما توقعت فانك لم ترد على ما كتبتة اصلا فقط مجرد اتهام بالجهل وعدم المعرفة وفى نفس الوقت ترفض ان تناظرنى اذا ماذا تريد
انت اصلا لا تعرف شيئا فقط كلامى فاجئك
وبدلا من البحث فية اكتفيت بالسب
حسنا واضح ان الكلام معك لا يجدى
اما اسئلتك الساذجة هذة فابمكانى ان ارد علية فى اى مناظرة
وعلى فكرة لى اصدقاء الان اقتنعوا بافكارى واصبحوا ملحدين بعد ان كانوا اعضاء فى جماعات مثل الاخوان وانصار السنة
عزيزتى عين ضيقة
اولا اعلم ان كلامى صادم بالنسبة لاى شخص وقد كنت انا فى نفس هذا الموقف من قبل
اما بخصوص من علمنى الدين فواضح انك قراتى ما كتبتة وكيف تطورت قراءاتى الاسلامية
فقد قرات كل التفاسير تقريبا
لمختلف المذاهب اما عن السيرة فكانت شغلى الشاغل ولازالت
اما عن الصلاة فقد كنت اخشع كاى متدين بل استطيع ان اقول انى كنت اكثر تدينا من معظم المشايخ كما كنت اكثر حبا للاسلام ورسولة من اى شخص اخر عرفتة
اما بخصوص الفتنة فواضح انك لم تفهمى كلامى فارجو ان تعيدى قراتة
اما عن حماية اللة للكعبة فايضا تتجاهلين سؤالى الاساسى
انا لم اتعجب من حمايتة للكعبة بل العكس انا اسال لماذا لم يحميها على الدوام فواضح هنا ايضا انك لم تستوعبى كلامى
اما عن الاخلاق فانا قلت ان الاخلاق ليست دليل نبوة كما يتضح لنا هذا من التاريخ ولم انفى اخلاق عبد المطلب بل اكدتها وقلت اننا لو افترضنا ان محمد يمتلك اخلاق عالية فان هذا ليس دليل والا كان عبد المطلب نفسة نبى
اما عن كتب التاريخ فانا اصدق الممكن ولا اصدق ما يرتبط بالخرافات
فانا مثلا ممكن اصدق ان محمدهزم الفا من فريش بثلثمائة ولا اصدق حادثة الاسراء والمعراج وهكذا
واتعجب من كلمتك الغريبة
انا اتفق معك ان الاديان اتحرفت ماعدا الاسلام
ما افارق بينك وبين اى احد
فهذا هو كلام اى شخص عن دينة كل واحد بيقول ان دينة صح والباقى غلط اما كلامك عن تجارب الاصلاح دى
فهل قراتى عن الاديان الاخرى من كتابات اصحابها
الحقيقة ان كل ما قلتية هو نفس ما يقال لى دائما واجبت علية مئات المرات
لو فقط تفكرين بلا تحيز وبحيادية لعرفتى الحقيقة
كما عرفتها
وصدقينى كانت اصعب مرحلة مررت بها هى مرحلة الشك ولكنى قررت ان اواجة نفسى وان اترك عقلى حرا دون ايمان مسبق ولو كان الدين حق فسوف تكون الاجابات منطقية ولكن هذا لم يحدث ابدا بل تكشفت امامى اكبر كذبة فى تاريخ البشرية
وهى الاديان
عندك حق يا اسكندرانى
ولكنى كنت اعلم ما ساواجة منذ اخترت هذا الطريق وعليا ان اواجهة
ولن انسحب ابدا
لقد اغلقوا العالم امامى وجعلونى منعزل
فليس امامى سوى العالم الافتراضى ولن اتركة ابدا
وتحياتى لك يا عزيزى
هيومان...يؤسفني كثيرا تشكيك في القران..من الواضح ان لديك من القناعات ما يجعلك تعتقد ان الاسلام دين مزيف وانت حر في هذا الاعتقاد
لكن قولك ان الطيور المهاجرة هي من تسببت في نقل مرض الطاعون الى جيش ابرهة فهذا سخف...فالطاعون مرض يصيب الانسان من لدغ البراغيث..ولو حدث ان الطيور المهاجرة كانت تحمل البراغيث على ظهرها فان رحلتها الطويلة من الشمال الى الجنوب كفيل بنشر المرض في طول الجزيرة العربية وليس الجيش ابرهة فقط
غير ان التاريخ لم يذكر في اي زمان او مكان عن واقعة لانتشار الطاعون عن طريق الطيور المهاجرة..لكنه عادة ينتشر عن طريق الفئران والقوارض
بفرض ان ما تقوله صحيح..وان الطيور حملت فعلا البراغيث من الشام واسقطتهم على جيش ابرهه لتهلكه..اليس هذا بشيء خارق للعادة او بمعنى اخر معجزة
اما بخصوص اسئلتك التي في النهاية فحاش لله ان اساله لماذا تفعل هذا ولا تفعل ذلك..ولكني عسى ان تكرهوا شيئا وهو خير لكم
لو تهدمت الكعبة في عهد ابرهة لضاعت واندثرت الى الابد وكان ظهور الاسلام ومحمد من المستحيل بسبب ضياع قيمة قريش بين القبائل..فابرهة اراد بهدم الكعبة ان يجبر الجزيرة العربية على المسيحية..والاسلام ليس الغرض منه هو القضاء على المسيحية ولكنه متمم لها
ولكن الاسلام جاء بالاساس ليحرر الانسان من الاوثان والجاهلية
اما بعد ظهور الاسلام فلا خوف من هدم الكعبة لاننا لا نعبد الكعبة لكننا نعبد الله متجهين اليها..فاذا تهدمت سنظل نصلي الى نفس القبلة ونفس الاتجاه..ولا خوف على الاسلام من هدمها
Post a Comment